წიგნში წარმოდგენილია ქართული ხუროთმოძღვრების ერთ-ერთი უშესანიშნავესი ძეგლის, ისტორიულ ჯავახეთში ხუროთმოძღვარ საკოცარის მიერ 964 წელს აგებული კუმურდოს ტაძრის X-XVI სს. წარწერების სრული პუბლიკაცია. აქვე ქვეყნდება კუმურდოსთან დაკავშირებულ ნასოფლარ არეშის ქვასვეტის IX-XI საუკუნეების წარწერები. სულ ქვეყნდება 30-მდე წარწერა, რომლებიც ქართული ეპიგრაფიკის უძვირფასესი ძეგლებია. თითოეული წარწერის ტექსტს ახლავს აღწერილობა, გამოცემაში მიღებული დათარიღების დასაბუთება, სრული ბიბლიოგრაფიის დასახელება, წინა გამოცემებიან კითხვასხვაობების აღნიშვნა, ისტორიულ-წყაროთმცოდნეობითი შენიშვნები. საილუსტრაციო ნაწილში წარმოდგენილია წარწერათა პალეოგრაფიული მონახაზები და ფოტოსურათები. ტექსტებს ერთვის წარწერათა ლექსიკის ინდექსი და სხვადასხვა სამეცნიერო-საცნობარო აპარატი.