წინამდებარე კრებულში წარმოდგენილია შოთა რუსთაველის ქართული ლიტერატურის ინსტიტუტის მეცნიერ-ტექსტოლოგების მიერ ბოლო ათწლეულების მანძილზე გამოვლენილი აკაკი წერეთლის პუბლიცისტური წერილები, რომლებიც აქამდე უცნობი იყო ფართო მკითხველი საზოგადოებისათვის. ტექსტები აღჭურვილია შესაბამისი სამეცნიერო აპარატით, კომენტარებითა და საძიებლებით. აღნიშნული მასალის დაბეჭდვა, ქრონოლოგიური პრინციპის დაცვით, დაგეგმილია ლიტერატურის ინსტიტუტის მიერ გამოსაცემად მომზადებულ აკაკი წერეთლის თხზულებათა აკადემიური ოცტომეულის შესაბამის ტომებში.