Описание

ეს წიგნი XX საუკუნის ევროპული ინტელექტუალიზმის ორ ჭეშმარიტ კორიფესთან შეხვედრის სიხარულს ჰპირდება განათლებულ მკითხველს. ქართულ ენაზე პირველად ქვეყნდება დიდი ფრანგი მოაზროვნის, თანამედროვე ინტუიტივიზმის ფუძემდებლის, ნობელის პრემიის ლაურეატის ანრი ბერგსონის (1859-1941) ერთ-ერთი შედევრი "ცნობიერების უშუალო მონაცემები", რომელსაც წინასიტყვაობის სახით ერთვის _ სახელგანთქმული რუსი ფილოსოფოსი- იდეალისტის ნიკოლოზ ლოსკის (1870-1965) გამოკვლევა "ბერგსონის ინტუიტური ფილოსოფია", სადაც მოკლედ, მაგრამ იშვიათი სიზუსტითა და საგნის ამომწურავი ცოდნით მიმოხილულია ბერგსონის მოძღვრების საკვანძო მომენტები.