წინამდებარე ნაშრომი პროფ. ტარიელ ფუტკარაძის ერთ-ერთი ბოლო სამეცნიერო გამოკვლევაა. მასში გაანალიზებულია 1897 წელს ცნობილი საზოგადო მოღვაწის, მწერლის, ეთნოგრაფისა და პუბლიცისტის – თედო სახოკიას მოგზაურობა ზემო აჭარაში ეთნოგრაფიული და ონომასტიკური მასალის ჩასაწერად. თ. სახოკიას მარშრუტის შესწავლისა და 2020 წლის ივლის-აგვისტოში ფეხდაფეხ გავლის, ასევე სხვადასხვა ტიპის ხელნაწერი და ბეჭდური წყაროების შეპირისპირების საფუძველზე მკვლევარმა დაადგინა გარკვეული ცდომილებანი ცნობილი მოგზაურის ჩანაწერებში და აღადგინა მის მიერ გავლილი გზის ლოგიკური ვერსია. წინაპართა გზების ძიებამ მკვლევარი მიიყვანა კუნტიჯვარზე არსებული ლეგენდის გაცოცხლებამდე, რაც დაგვირგვინდა ზემო აჭარის მკვიდრთა ისტორიული ღონისძიების ორგანიზებით – იმერხევთან დამაკავშირებელ, თამარის დროინდელ და ამჟამად გატყევებულ „შუაგზაზე“ არსებულ ძველ ნაეკლესიარზე ჯვრის აღმართვით. 

რედაქტორი: ნათია ფუტკარაძე, კავკასიის უნივერსიტეტის ასოცირებული პროფესორი