„მაიორ ტომპსონის ჩანაწერები“ 1954 წ. გამოქვეყნდა. ნაწარმოებში მოცემულია საშუალო ინგლისელის შეხედულება საშუალო ფრანგზე და პირიქით. ინგლისელი მაიორი ტომპსონი მოულოდნელად აღმოაჩენს მეზობელი ქვეყნის, საფრანგეთის მკვიდრთ, მათ ზნე-ჩვეულებებსა და ცივილიზაციას, რომელიც ესოდენ განსხვავდება ბრიტანულისაგან. წარმოდგენილია ფრანგული თუ ინგლისური ხასიათების მთელი ანთოლოგია ავტორის უწყინარი იუმორის მიღმა მახვილი სატირაც გამოსჭვივის.

1960 წელს დანინოსმა გამოაქვეყნა „მავანი ბატონი ბლო“. ამ ნაწარმოებში ავტორი გვიხატავს საშუალო ფრანგის ტიპურ სახეს, მის ყოველდღიურ ცხოვრებას, ინტერესებსა და მისწრაფებებს. ნაწარმოები გაჟღენთილია ავტორის რწმენით კეთილი საწყისისადმი, რომელმაც აუცილებლად უნდა გაიმარჯვოს.