Описание

ნაშრომი წარმოადგენს პირველ ნაკვეთს ძველი აღთქმის ქართულ თარგმანთა კრიტიკული გამოცემისას. ძველი აღთქმის წიგნთა გამოცემა მნიშვნელოვანია არა მარტოოდენ ფილოლოგიური თვალსაზრისით, არამედ კულტურის ისტორიისა და მხატვრული აზროვნების ფორმირების მხრივაც ზოგადად. ძველი აღთქმის ქართული თარგმანების გამოქვეყნებას, რომელთა ფრაგმენტები ჯერ კიდევ ხანმეტ (V—VI სს.) პალიმფსესტებშია დაცული, გარდა ზემოაღნიშნულისა, ის მნიშვნელობაც აქვს, რომ უმდიდრეს მასალას აწვდის ქართული ენისა და ლიტერატურის ისტორიის სფეროში მომუშავე მკვლევართ და უმთავრესი წყაროა ქართული ისტორიული ლექსიკოლოგიისათვის. წინამდებარე გამოცემაში მოცემულია უძველესი ქართული თარგმანების ისტორია და კლასიფიკაცია. გამოკვლევაში განხილულია რიგი ფილოლოგიური და ლინგვისტური საკითხი.