რუსმა ისტორიკოსებმა ხელი შეუწყვეს იმპერატორ ალექსანდრე I-ის მანიფესტით დამკვიდრებული იმ ცრუ პროპაგანდისტული თვალსაზრისის განმტკიცებას, თითქოს რუსეთმა საქართველო 1801 წელს ქართველი მეფისა და ხელისუფლების თხოვნით შეიერთა. სინამდვილეში, როგორც ამას დოკუმენტები ცხადყოფენ, ბიორგი XII მისი სამეფოს შესვლას რუსეთის იმპერიის შემადგენლობაში იმ პირობით ითხოვდა, რომ შენარჩუნებული იქნებოდა ბაგრატიონთა სამეფო დინასტია, რომელიც ქვეყნის მართვა-განმგებლობას რუსეთის კანონმდებლობაზე დაამყარებდა. იმპერატორმა პავლე I-მა თავდაპირველად თანხმობა განაცხადა ასეთ ხელშეკრულებაზე, მაგრამ შემდეგ თავის ჯარს საქართველოს დაპყრობა და რუსეთთან შეერთება უბრძანა. ამ იმპერიულ ძალადობას მოგვიანებით მხარი დაუჭირა რუსეთის ინტელიგენციამ, მათ შორის პუშკინმა და დეკაბრისტებმა.

ლუიჯი მაგაროტოს, ზენეციის კა-ფოსკარის უნივერსიტეტის პროფესორს, საქართველოს მეცნიერებათა აკადემიის საპატიო წევრს, გამოქვეყნებული აქვს ნაშრომები სლავისტიკისა და ქართველოლოგიის დარგში, მათ შორის - ბარათაშვილის, ჭავჭავაძის, ვაჟა-ფშაველას, გალაკტიონის, ცისფერყანწელების, ფიროსმანის, გუდიაშვილის შემოქმედებაზე, ავანგარდიზმზე, ქართული სუფრის ტრადიციაზე და სხვა.