აღწერა

სეიტო მაცუმოტოს (1909-1992) ნამდვილი სახელი კეიხარუ მაცუმოტოა. „სეიტო“ მისი სახელის სიმბოლოების ჩინურ-იაპონური შეთანხმებაა. ახალგაზრდობისას რევოლუციურ ბროშურებს კითხულობდა. მემარცხენე მოძრაობის მომხრე იყო. თავისი მოღვაწეობის გამო 1929 წელს მცირე ხნით დააპატიმრეს კიდეც. სანამ ლიტერატურაში ჩაეფლობოდა, უამრავი პროფესია მოსინჯა. მუშაობა მეორე მსოფლიო ომმა შეაწყვეტინა. ომის დამთავრების შემდეგ გაზეთში იმუშავა. მიუხედავად იმისა, რომ არავითარი სპეციალური განათლება არ მიუღია, შესანიშნავად წერდა. მაცუმოტოს პირველი დეტექტიური რომანები 1950 წელს გამოჩნდა. მისი ლიტერატურული დებიუტი იაპონიაში კარგად შეფასდა და 1956 წელს ედოგავა რამპოს მიერ დაწესებული დეტექტიური ჟანრის მწერალთა კლუბის ლიტერატურული პრემიაც კი მოიპოვა. მალე ასევე ცნობილი იაპონელი მწერლის რიუნოსკე აკუტაგავას სახელობის პრემია გადასცეს. ამ მწერლის დეტექტივები მკვეთრად გამოხატული ნაციონალური კოლორიტით გამოირჩევა. მის რომანებს ხშირად რეალური მოვლენები იდევს საფუძვლად. მისი პოპულარობის საიდუმლო კი არის უნარი, სოციალური დეტექტივის ელემენტები კლასიკური რომანის კანონებს შეუთავსოს.