აღწერა

"ერთგული და მოღალატე ცოლები" (დედანში "ბეჰარე-დანეში") ფორმით ჩარჩოვანი თხზულებაა. ამ მხრივ იგი ინდური, სპარსული და არაბული ლიტერატურის ტრადიციებს აგრძელებს. მათ ჩარჩოვანს უწოდებენ, რადგან ერთ მთავარ ამბავში (ჩარჩოში) მოქცეულია მეორე დამოუკიდებელი მოთხრობა. ქანბუს თხზულება შუა საუკუნეების ისლამურ ლიტერატურაში გაბატონებული სტილით, ე.წ. ჩუქურთმოვანი პროზითაა დაწერილი. ტრადიციულად, მას გააჩნია საჯი (რითმა და რიტმი). ჩუქურთმოვანი პროზის უპირველესი სამკაულია მაღალი სტილი. ქანბუ არ გეტყვით, ვთქვათ, ნუ გრცხვენიაო, არამედ მოგახსენებთ: "სირცხვილის მორევში ნუ იძირები, ნურც ბოდიშთა ველზე დაქრიხარო".